સુરત: 17 વર્ષ ની સગીરાને ભગાડી જનાર ચાર સંતાનો નો બાપ આ જગ્યા એ થી ઝડપાયો ! એવી વાત સામે

આપણે સૌ કોઈ જાણીએ છે કે, દિવસેને દિવસે એવા અનેક પ્રકારના બનાવો બને છે, જેની આપણે કલ્પના પણ ન કરી શકીએ. હાલમાં જ  એક 48 વર્ષીય શખસ પોતાની દીકરી સમાન 17 વર્ષીય છોકરીને ભગાડી ગયો હતો. ચાર સંતાનનો પિતા આ છોકરીને ભગાડી ગયા બાદ પરિવારે પોલીસ ફરિયાદ નોંધાવી હતી.હાલમાં જ આ આરોપી પકડાય ગયો છે.

પોલીસ તપાસમાં જાણવા મળ્યું હતું કે, મહારાષ્ટ્રના પાલઘરમાંથી આરોપીને પકડી પાડવામાં આવેલ છે કારણ કે તેને માત્ર 17 વર્ષની છોકરીને પ્રેમજાળમાં ફસાવીને લગ્નની લાલચ આપીને છોકરીને સુરતથી રાજસ્થાન લઈ ગયો હતો. ત્યારે પોલીસની ચાર ટીમોએ શોધખોળ હાથ ધરી હતી અને તેને મહારાષ્ટ્રના પાલઘરમાંથી ઝડપી પાડ્યો હતો.

પોલીસ તપાસમાં સચિનના લાજપોર વિસ્તારમાં એક 17 વર્ષની છોકરી તેના પરિવાર સાથે રહે છે. પાંચ વર્ષ પહેલાં તેની માતાનું અવસાન થયુ હતુ. તે હોજીવાલા ઈન્ડસ્ટ્રિયલ એસ્ટેટમાં નોકરી કરે છે. ગઈ 8મી ઓક્ટોબરના રોજ રાબેતા મુજબ આ છોકરી પોતાની નોકરીની જગ્યાએ ગઈ હતી. એ પછી મોડી સાંજ સુધી તે પરત ફરી નહોતી. જેથી છોકરીના પિતા અને ફોઈએ તેની શોધખોળ હાથ ધરી હતી. પરંતુ તેનો કોઈ પત્તો જડ્યો નહોતો.

લાજપોરગામમાં આવેલા જુમ્મા મસ્જિદ ફળિયામાં રહેતો 48 વર્ષીય અબ્દુલહમીદ મધી છોકરીને પોતાની રિક્ષામાં નોકરીના સ્થળે લઈ જતો હતો અને ઘરે લાવતો હતો. એટલે છોકરીના પરિવારને એના પર શંકા ગઈ હતી. જેથી પરિવારના સભ્યો પોતાની દીકરીને શોધવા માટે તેના ઘરે પહોંચ્યા હતા. પરિવારે જ્યારે અહીં પહોંચીને તપાસ કરી તો જાણવા મળ્યું કે, સવારથી જ અબ્દુલહમીદ રિક્ષા મૂકીને ઘરેથી ગુમ હતો.

પરિવારે જ્યારે આ મામલે વધુ તપાસ કરી તો પ્રેમપ્રકરણનો ભાંડો ફૂટ્યો હતો જેથી પરિવાર આ મામલે સચિન પોલીસ સ્ટેશન પહોંચ્યો હતો અને ફરિયાદ નોંધાવી હતી. પોલીસે રિક્ષા પલસાણા ટી પોઈન્ટ પાસેથી કબજે કરી હતી.  આરોપી અને પીડિત છોકરીને શોધવા માટે સચિન પોલીસ સ્ટેશન અને ક્રાઈમ બ્રાંચની અલગ અલગ ટીમો બનાવવામાં આવી હતી. આ દરમિયાન પોલીસે એક ટીમ અજમેર અને બીજી ટીમ મહારાષ્ટ્ર ખાતે મોકલી હતી. પોલીસે આ મામલે આગળની કાર્યવાહી હાથ ધરી છે.