અમદાવાદ: ઓડી ચાલકે બાઇકસવારને કચડ્યો, ડ્રાઈવરે કારમાલિકને કહ્યું- કૂતરું વચ્ચે આવતા 

રોડ અકસ્માતના બનાવો દિવસેને દિવસે વધી રહ્યા છે, ત્યારે હાલમાં જ એક દુઃખદ ઘટના બની છે. આ જાણીને તમારૂ હૈયુ કંપી જશે. ખાસ કરીને હાલમાં હિટ એન્ડ રનની ઘટનાઓ વધી રહી છે. એક તરફ તહેવાર અને દરમિયાન જ અનેક ઘટનાઓ બની છે, જેનાથી અનેક પરિવારમાં દુઃખદ માહોલ સર્જાઈ ગયો હતો. વાત જાણે એમ છે કે, ગુરુવારે મોડી રાત્રે ચીમનભાઈ બ્રિજ પરથી ઘરે જવા માટે પસાર થતો હતો ત્યારે બ્રિજના ડિવાઈડરને અથડાતાં સામેથી આવતી ઓડી કાર નીચે કચડાય ગયેલ.

ઓડી કારના ચાલકે યુવકને બ્રિજથી કલેક્ટર કચેરી સુધી ઘસડતાં દુઃખદ નિધન થયેલું. આ અકસ્માત બાદ કારચાલક ત્યાંથી ફરાર થઈ ગયો હતો. આ કેસમાં એલ ડિવિઝન ટ્રાફિક-પોલીસે ગુનો નોંધી કારચાલકની શોધખોળ શરૂ કરી હતી.આ અકસ્માત એટલો ગંભીર હતો કે કારનો ચાલક બાઈકચાલક યુવકને 100 મીટર સુધી ઘસડી ગયો હતો.

ગાડી નીચે આવી ગયો હોવાની જાણ થતાં પણ કારચાલકે ગાડી ઊભી રાખી નહોતી. અકસ્માત કર્યા બાદ ડ્રાઈવર માલિકને લેવા એરપોર્ટ લેવા ગયો હતો. કારના માલિક કાર રોહન શાહે ડ્રાઈવરને કહ્યું કે કારને નુકસાન કઈ રીતે થયું તો જવાબ મળ્યો કે કાર વચ્ચે કૂતરું આવી ગયું હતું. ત્યાર બાદ કાર એરપોર્ટ પાસે બંધ થઈ ગઈ, એટલે ડ્રાઈવર અને મલિક રિક્ષામાં પરત આવ્યા હતા. ઝુંડાલ પાસેના કલ્પતરુ પાર્કમાં યશ ગાયકવાડ તેનાં માતા-પિતા અને નાના ભાઈ સાથે રહેતો હતો.

વિશાલા હોટલમાં કેશિયર તરીકે નોકરી કરતો હતો. યશ નોકરીથી છૂટીને ઘરે પરત ફરી રહ્યો હતો ત્યારે સાબરમતી ચીમનભાઈબ્રિજ પર સુભાષબ્રિજ તરફથી સો ફૂટ જેટલો બ્રિજ ચડ્યો ત્યારે અચાનક જ ડિવાઈડર સાથે કોઈ કારણસર અથડાઈ અને સામેના ભાગે પડ્યો હતો. ત્યારે સામેથી આવતી ઓડી કાર સાથે અથડાતાં કાર નીચે કચડાઈ ગયો હતો.ઘટનાને પગલે લોકોનાં ટોળેટોળાં ત્યાં ભેગાં થઇ ગયાં હતાં અને સ્થાનિક વ્યક્તિએ તેના મિત્રોને જાણ કરી હતી. મિત્રએ યશના પિતા મનહરભાઈને જાણ કરતાં તેઓ ઘટનાસ્થળે દોડી આવ્યા હતા.