અમદાવાદમાં પાઉં પકોડા તથા સ્વાદિષ્ટ મસાલા ઢોસો ખાવો હોય તો જજો “નટરાજ સાઉથ ઇન્ડિયન” માં ! ઢોસા એવા કે દાઢે વળગશે…
આપણું ગુજરાત એટલે કે ખાણીપીણી માટે ખુબ જ જાણીતું માનવામાં આવે છે કારણ કે આપણને અહીં ગુજરાતી વાનગીઓ તો ખરાજ પરંતુ દેશ વિદેશ કે આપણા જ દેશના અનેક રાજ્યોની વાનગી ખાવા મળી જતી હોય છે જે ખરેખર ખુબ સારી વાત કહેવાય, હાલ તો ફાસ્ટ ફૂડ તથા રેસ્ટોરન્ટ એટલી બધી વધી ગઈ છે કે તમે કોઈ પણ જગ્યાએ જાવ તમને ઉત્તમ ફૂડ મળી જ જશે.
આમ તો અમે રોજબરોજના લેખ દ્વારા અનેક જગ્યાઓની અનેક ખાવાલાયક વસ્તુઓ વિશે તમને જણાવતા જ હોઈએ છીએ, એવામાં આજના આ લેખના માધ્યમથી વધુ એક ખોરાકની દુકાન વિશે આજે અમે તમને જણાવાના છીએ જે આખા અમદાવાદ શહેરમાં ખુબ વખણાય છે, તમને ખબર જ હશે કે અમદાવાદ શહેર ખુબ મોટું છે અને ત્યાં રેહનાર લોકો પણ ખુબ જ વધારે છે આથી જ ત્યાં લારી દુકાનો તથા રેસ્ટોરન્ટ પણ ખુબ વધારે જોવા મળે છે.
એવામાં અમે અમદાવાદ શહેરની અંદર આવેલ નટરાજ સાઉથ ઇન્ડિયનની દુકાન વિશે જણાવાના છીએ જ્યા પાઉં પકોડા તથા મસાલા ઢોસા ખુબ વધારે પ્રખ્યાત માનવામાં આવે છે અને સ્વાદ તો એટલો બધો જબરદસ્ત કે તમે ખાતા જ રહી જશો. તેઓની આ દુકાનનો સ્વાદ માણવા માટે લોકોની હંમેશા ભારે ભીડ રહેતી હોય છે.
આ પકોડા સાથે પાવ ચટણી એટલું જ નહીં ઢોસા સાથે તમને સાંભાર તથા ચટણી સાથે સર્વ કરવામાં આવે છે, ઢોસાની અંદર પણ એવું નહિ કે સાવ ઓછો મસાલો, બટાકા વટાણાનો ભરપૂર પ્રમાણમાં મસાલો નાખવામાં આવે છે અને ઢોસા બનાવની પણ એટલી જોરદાર રીત છે કે તે જોઈને જ સૌ કોઈના મોઢામાં પાણી આવી જાય છે, જો તમે અમદાવાદ શહેરમાં રહેતા હોવ કે ત્યાં ફરવા માટે ગયા હોવ તો એક વખત જરૂરથી આ દુકાનની મુલાકાત લેવી.
સરનામું : નટરાજ સાઉથ ઇન્ડિયન, રાયપુર દરવાજા, અમદાવાદ