ગુજરાતનાં નાનાં એવા ગામમાં જન્મેલા પૂનમ ગોંડલીયા જીવનમાં અનેક મુશ્કેલી નો સામનો કરીને આ રીતે બન્યા ગાયિકા….
ગુજરાતી ગાયક કલાકારોમાં અનેક ગાયિકાઓ છે, જે પોતાના સુરીલા કંઠે ગીતો ગાઈને લોકોને મંત્રમુગ્ધ બનાવે છે. આજે આપણે એક એવી ગાયિકા વિશે જાણીશું, જેમણે જીવનમાં અનેક મુશ્કેલીઓનો સામનો કરીને પણ પોતાની કારકીર્દીનું શ્રેષ્ઠ ઘડતર કર્યું. આમ પણ કહેવાય છે ને કે, દરેક કલાકારો ની સફળતા પાછળ સંઘર્ષ રહેલ છે. કોઈપણ કલાકારે રાતોરાત લોકપ્રિયતા નથી મેળવી.
આપણે ગીતા રબારી, કિંજલ દવે, અલ્પા પટેલ જેવી અનેક લોક ગાયિકા એ ગુજરાતનાં લોકોનું હ્દય જીતી લીધું છે. ત્યારે આજે આપણે વાત કરીશું એક એવી ગાયિકા વિશે જેને વારસામાં જ સંગીત ભેટમાં મળ્યું છે. તમે સૌ કોઈ ગાયિકા પૂનમ ગોડલીયા વિશે જાણતા હશો. ખરેખર આજે તેમને પોતાના સુર થકી ગુજરાતીઓનું હ્દય જીત્યું છે. ત્યારે તેમના જીવનની સફર જાણવી ખૂબ જ જરૂરી છે.
ગીર સોમનાથ જિલ્લાનું આલીદર બોડિદર ગામમાં જન્મેલ પૂનમ બહેનના દાદા અને પિતા પણ ભજનનીક હતા અને આજ કારણે તેમને જન્મજાત સંગીત ની કળા ભેટમાં મળી.કહેવાય છે કે, પૂનમ બહેન ખૂબ જ નાની વયે સંગીત ક્ષેત્ર પગલું ભર્યું. આમ પણ તેઓ માત્ર છ ધોરણ સુધી જ અભ્યાસ કરેલ અને તેમને ખૂબ જ નાની વયે લોક કલાકાર તરીકે પોતાની કારકિર્દીની શરૂઆત કરી હતી. તેમના પરિવારની વાત કરીએ તો તેમને 3 ભાઈઓ અને 2 બહેનો છે, તે લોકો પણ સંગીત ક્ષેત્રે મહત્વનું યોગદાન આપેલ છે.
પૂનમ બહેન ખૂબ જ નાની વયે સ્ટેજ પર ગાવાનું શરૂ કર્યું, જ્યારે તેમના મોટી બહેન નો પ્રોગામ હતો અને આ દરમિયાન જ લોકોએ પૂનમ બહેન ને ગાવનું કહ્યું હતું અને આ દરમિયાન જ તેમને ” અંગૂઠો મરડીને પીયુને જગાડીયા રે ” ભજન ગાયું અને બસ પછી તો તેમના સુરીલા કંઠે લોકોના મન અને હૈયામાં વાસ કરી લીધો. ખરેખર આ કોઈ સામાન્ય વાત નથી કારણ કે પહેલીવાર બધા લોકોની સામે ગાવું એ મોટી વાત છે.
આ પ્રથમ પ્રોગામ પછી તેને પાછળ ફરીને ક્યારેય જોયું જ નથી અને તેનું પરિણામ આપણે સૌ કોઈ જાણીએ છે. આજે તેમનાં અનેક આલ્બમ સોંગ આવેલ છે.ખરેખર આજે પૂનમ બહેનનું નામ ખૂબ જ લોકપ્રિય બનેલું છે. તેમને ગુજરાતનાં લોકપ્રિય કલાકારો સાથે બેસીને લોકોને ડાયરામાં ભજનો ગાઈને પોતાના સુરીલા કંઠની મોજ કરાવી છે. ખરેખર તેમના જીવનની સફર પરથી એ જ જાણવા મળે છે.
જીવનમાં ગમે તેવી પરિસ્થિતિ કેમ ન હોય પણ ભગવાને આપેલ કળા થકી તમે તમારું જીવન ઉત્તમ બનાવી શકીએ છીએ.આજના સમયમાં પૂનમ ગોડિલિયાનું ગુજરાતમાં બહુ મોટું નામ છે. હાલમાં તેઓ દેશ વિદેશમાં પણ પ્રોગામ કરે છે તેમજ અનેક આલ્બમ સોંગમાં પણ તેમને કામ કર્યું છે. તેમજ વૈભવશાળી જીવન વિતાવી રહ્યા છે. સોશિયલ મીડિયામાં ખૂબ જ એક્ટિવ રહે છે, જ્યાં તમને તેમના દરેક આવરનાર સોંગ અને પ્રોગ્રામની માહિતી મળી રહેશે.