સુરતના ભરતભાઇ પટેલ એ 15 કીલો સોનાના સિક્કા 50 લાખ રુપીઆના લીધા ! હકીકત સામે આવતા પગ નીચે થી જમીન સરકી ગઈ…જાણો વિગતે

હાલમાં જ એક ચોંકાવનારી અને ચેતવણી સમાન ઘટના સામે આવી છે. તમને જાણીને આશ્ચર્ય થશે કે, સુરતના ભરતભાઇ પટેલ એ 15 કીલો સોનાના સિક્કા 50 લાખ રુપીઆના લીધા ! હકીકત સામે આવતા પગ નીચે થી જમીન સરકી ગઈ. ચાલો આ ઘટના અંગે વિગતવાર માહિતી અમે આપને જણાવીએ. સૂત્ર દ્વારા જાણવા મળ્યું હતું કે,  સુરતના પુણા વિસ્તારમાં મકાન ધરાવતા એક વૃદ્ધ સોનાના સિક્કાની લાલચમાં રૂપિયા 50 લાખની ઠગાઈનો ભોગ બન્યા

સુરતના પુણા ગામે સીતાનગરમાં મકાન ધરાવતા અને પોતાના પુત્ર સાથે મુંબઈમાં રહેતા 56 વર્ષના ભરતભાઈ પોપટભાઈ પટેલ નિવૃત્ત જીવન ગાળે છે. તેમની પુત્રી હોંગકોંગમાં છે અને સૌથી નાનો પુત્ર ઓસ્ટ્રોલિયામાં રહે છે. વચલો પુત્ર પિતા સાથે રહે છે. ભરતભાઈ તેમના પરિવાર સાથે મુંબઈથી ગત ડિસેમ્બર મહિનામાં અમદાવાદના નિકોલમાં રહેતી સાળીને ત્યાં લગ્નપ્રસંગમાં ગયા હતા

પરત ફરતી વખતે વલસાડના રોલા હાઈ-વે પર ઉબાડીયું ખાવા ઊભા રહ્યા હતા. એ સમયે બાઈક પર બે અજાણ્યા શખસો આવ્યા હતા અને તેમાંથી એક જણે ચાંદીના ત્રણ અને સોનાનો એક સિક્કો બતાવી તે વેચવાનો હોવાનું કહ્યું હતું. એ શખસે કહ્યું હતું કે, આ સિક્કા તેની માતાએ વેચવા આપ્યા છે. ભરતભાઈએ એ શખસો પાસેથી સિક્કા લઈ લીધા હતા અને ઘરે જઈને ચેક કરતા તે અસલી હોવાનું જણાયું હતું.

તા.17 ડિસેમ્બર, 2022એ રાહુલ નામના શખસનો ભરતભાઈ પર ફોન આવ્યો હતો અને તેણે પોતાની પાસે બે કિલો સોનાના સિક્કા હોવાનું કહ્યું હતું. ભરતભાઈએ રૂબરુમાં આવીને જોવા પડશે એમ કહેતા ફોન કરનારે તેમને ચીખલી બોલાવ્યા હતા. 21 ડિસેમ્બરે ભરતભાઈ ચીખલી પહોંચ્યા હતા. ચીખલી ઓવરબ્રિજ પાસે આવેલી જયભારત હોટલ પાસેથી તેમણે ઠગને પોતાની કારમાં બેસાડ્યો હતો. ઠગ તેમને બિલિમોરા રોડ તરફ લઈ ગયો હતો. ત્યાં એક ગ્રાઉન્ડમાં બાંકડા પર બેઠેલી લગભગ 60 વર્ષની ઉંમરની મહિલાની પોતાની માતા તરીકે અને બાજુમાં બેઠેલા યુવકની પોતાના ભાઈ તરીકે ઓળખ આપી થેલીમાં પડેલા સોનાના સિક્કા બતાવ્યા હતા.

ભરતભાઈને કહ્યું હતું કે, તે 5 કિલો સિક્કા છે અને બાકીના ઘરે પડ્યા છે. ઠગે તેમાંથી 5 સિક્કા કાઢીને ભરતભાઈને આપ્યા હતા. ભરતભાઈએ તેના એડવાન્સ પેટે રૂપિયા 20,000 ચૂકવ્યા હતા અને પાછા મુંબઈ આવ્યા હતા. ઠગે ભરતભાઈને ફોન કરીને તેની પાસે 15 કિલો સોનાના સિક્કા હોવાનું અને તે 3 કરોડમાં વેચવાના હોવાનું કહ્યું હતું. જોકે, ભરતભાઈએ સિક્કા લેવાની ના પાડી દીધી હતી. 2 જાન્યુઆરી, 2023એ ઠગે ભરતભાઈને ફોન કરીને કહ્યું હતું કે, 15 કિલો સોનાના સિક્કાના 3 કરોડના બદલે હાલ 1 કરોડ આપશે તો ચાલશે અને બાકીના 2 કરોડ સિક્કા વેચાયા પછી આપવા કહ્યું હતું.

આ ઓફર સાંભળી ભરતભાઈ લલચાઈ ગયા હતા અને એડવાન્સ પેટે 50 લાખ રૂપિયા આપ્યા હતા, જ્યારે બાકીના 2.50 કરોડ સિક્કા વેચીને આપવાની વાત કરી હતી. ઠગે સોદો મંજૂર રાખ્યો હતો અને 50 લાખ રૂપિયા લઈ સોનાના સિક્કા ભરેલો કોથળો આપ્યો હતો. ભરતભાઈએ ગેસ લાઈટરની મદદથી સોનાના સિક્કા ચેક કરતા તે ખોટા હોવાનું જણાયું હતું. પોતાની સાથે ઠગાઈ થઈ હોવાનું જણાતા ભરતભાઈએ ટુંગરી પોલીસ મથકમાં રાહુલ નામના ઠગ અને તેની કથિત માતા અને તેના કથિત ભાઈ સામે ફરિયાદ નોંધાવી હતી.