ત્રણ વખત નિષ્ફળતાનો સામનો કરનાર યુવતી બની IAS ઓફિસર! પોતાની સફળતાનું રહસ્ય કહ્યું આવું…

યુનિયન પબ્લિક સર્વિસ કમિશન (UPSC)ની સિવિલ સર્વિસ પરીક્ષાનું નામ દેશની સૌથી અઘરી પરીક્ષાઓમાં પ્રથમ આવે છે. ઉમેદવારોને UPSC પાસ કરવામાં ઘણા વર્ષો લાગે છે. કેટલાક દિવસ-રાત મહેનત કરવા છતાં સફળતા મેળવી શકતા નથી. આવી સ્થિતિમાં, આજે અમે તમને એક એવી છોકરીનો પરિચય કરાવવા જઈ રહ્યા છીએ જેણે અઠવાડિયામાં માત્ર બે દિવસ અભ્યાસ કર્યો અને સમગ્ર ભારતમાં 11મો રેન્ક મેળવ્યો.

દેવયાની સિંહ હરિયાણાના મહેન્દ્રગઢની રહેવાસી છે. તેણે SH સિનિયર સેકન્ડરી સ્કૂલ, ચંદીગઢમાંથી શાળાનો અભ્યાસ પૂર્ણ કર્યો છે. ગ્રેજ્યુએશન માટે, તે 2014 માં BITS પિલાનીના ગોવા કેમ્પસમાં ગઈ હતી જ્યાં તેણે ઈલેક્ટ્રોનિક્સ અને ઈન્સ્ટ્રુમેન્ટેશન એન્જિનિયરિંગમાં ગ્રેજ્યુએશન કર્યું હતું. દેવયાની તેના પિતા વિનય સિંહને તેની પ્રેરણા માને છે. તેમના પિતા હિસારમાં ડિવિઝનલ કમિશનર છે. દેવયાની બાળપણથી જ તેના પિતાને સિવિલ સર્વન્ટ તરીકે કામ કરતા જોતી આવી છે. તેથી, મોટી થઈને, તેણી તેના પિતાના પગલે ચાલવા માંગતી હતી.

દેવયાનીએ IAS બનવા માટે ખૂબ જ મહેનત કરી હતી. તેણી તેના લક્ષ્યને પ્રાપ્ત કરવામાં તે ત્રણ વખત નિષ્ફળ ગઈ. તેમ છતાં તેણે હાર ન માની અને ચોથા પ્રયાસમાં સફળતાનો મળી. દેવયાનીએ વર્ષ 2015, 2016 અને 2017માં યુપીએસસીની પરીક્ષા આપી હતી, પરંતુ તે સફળ થઈ શકી ન હતી. બીજા પ્રયાસમાં તે પૂર્વ પરીક્ષા પણ પાસ કરી શકી ન હતી. તે જ સમયે, 2017 માં તે ઇન્ટરવ્યુ રાઉન્ડમાં ફેલ થઈ પછી 2019 માં તેની મહેનત રંગ લાવી અને તેણે ઓલ ઈન્ડિયા 222મો રેન્ક મેળવ્યો.

222મો રેન્ક મેળવ્યા બાદ દેવયાનીને સેન્ટ્રલ ઓડિટ વિભાગમાં પસંદ કરવામાં આવી હતી. તેણે તેના માટે તાલીમ પણ શરૂ કરી. જોકે તે બાજુમાં યુપીએસસીની તૈયારી પણ કરી રહી હતી. તેનું સપનું IAS બનવાનું હતું. આ માટે તેણે સખત મહેનત કરી અને 2021માં તે પાંચમા પ્રયાસમાં 11મો રેન્ક મેળવીને IAS બનવામાં સફળ થઇ જણાવી દઈએ કે, 2019માં દેવયાનીની રાજસ્થાન સિવિલ સર્વિસમાં પણ પસંદગી થઈ હતી.

દેવયાનીએ એક ઈન્ટરવ્યુમાં જણાવ્યું હતું કે તે કેટલા કલાક ભણે છે તેના પર ધ્યાન નથી આપતી. તેનું ધ્યાન આ વાત પર હતું કે તે જ્યારે પણ ભણવા બેસે ત્યારે ગંભીરતાથી અને કોઈપણ પ્રકારના ટેન્શન વગર વાંચે. સેન્ટ્રલ ઓડિટ વિભાગમાં પસંદગીના કારણે તેને અભ્યાસની વધુ તક મળી ન હતી. આવી સ્થિતિમાં તે શનિવાર અને રવિવાર શનિ-રવિના દિવસે જ તૈયારિઓ કરતી. આ વાત પર થી એ આપણને શીખવા મળે કે જીવનમાં સફળતા ત્યારે પ્રાપ્ત થાય જ્યારે આત્મવિશ્વાસ તમારો દ્રઢ હોય.