આ જગ્યાએ મતદારોને રીઝવવા દારૂની રેલમછેલ! આ વ્યક્તિનાં બંગલામાંથી દારૂનો એટલો જથ્થો મળ્ય કે પોલીસ ટીમમાં ખળભળાટ મચ્યો..

દારૂબંધી હોવા છતાંપણ ગુજરાતમાં દારૂની રેલમછેલ બોલાઇ રહી છે. આપણે જાણીએ છે કે હાલમાં ચૂંટણીનો માહોલ હોવાના કારણે પોલીસ દ્વારા દારૂની હેરફેર અંગે કડક પગલાં લીધેલ છતાં પણ હાલમાં જ ગાંધીનગર એલસીબીની ટીમે પૂર્વ બાતમીના આધારે અડાલજ બાલાપીર દરગાહની સામે આવેલા વૈભવી બંગલામાં દરોડો વિદેશી દારૂની પેટીઓનો જથ્થો ઝડપી પાડયો.

સૂત્ર દ્વારા જાણવા મળ્યું છે કે, ચૂંટણી ટાણે મતદારોને રીઝવવા માટે કોઈ રાજકીય પાર્ટીના ઈશારે અત્રેના બંગલામાં દારૂ ઉતારવામાં આવ્યો હોવાનો પોલીસ બેડામાં ગણગણાટ પણ શરૂ થવા માંડ્યો છે. ચૂંટણી ટાણે દારૂની રેલમછેલ રોકવા માટે ગાંધીનગર પોલીસ દ્વારા સઘન પેટ્રોલિંગ કરવામાં આવી રહ્યું છે. ગાંધીનગર લોકલ ક્રાઇમ બ્રાંચ – 1 ની ટીમના પીઆઈ દિવાનસિંહ વાળા ટીમ સાથે અડાલજ વિસ્તારમાં પેટ્રોલિંગમાં હતા.

બાતમીના આધારે અડાલજ બાલાપીર દરગાહની સામે આવેલા એક વૈભવી બંગલામાં મોટી માત્રામાં વિદેશી દારૂનો જથ્થો રાખવામાં આવ્યો છે.

અંદરનું દ્રશ્ય જોઈ એલસીબીની ટીમ ચોંકી ઉઠી હતી. કેમ કે રૂમમાં વિદેશી દારૃની પેટીઓનો જથ્થો સંતાડી રાખવામાં આવ્યો હતો. અંદાજીત 480 જેટલી પેટીમાં વિદેશી દારૃના કવાર્ટર છે. એકવાર ગણતરી થઈ ગયા પછી પેટીઓનો ચોક્ક્સ આંકડો જાણવા મળશે.બંગલામાંથી આટલી મોટી માત્રામાં દારૂનો જથ્થો મળી આવતા અડાલજ પીઆઈ સામે પણ કડક પગલાં લેવાય તેવું નકારી શકાય એમ નથી.

એલસીબીનાં વિશ્વસનીય સૂત્રોએ જણાવ્યું હતું કે, પ્રાથમિક તપાસમાં બંગલો વિશાલ પ્રમોદભાઈ પટેલનો હોવાનું પ્રકાશમાં આવ્યું છે. ઉપરાંત સિદ્ધાર્થ સુરેશભાઈ પટેલની પણ સંડોવણી બહાર આવી છે. જેને અડાલજ ખાતે અંબિકા ટાયરની દુકાન હોવાની વિગતો મળી છે. બંને આરોપીઓ વોન્ટેડ છે. ત્યારે સિદ્ધાર્થ એક રાજકીય પાર્ટીના ઉમેદવાર સાથે સારો એવો ઘરોબો ધરાવતો હોવાનું પ્રાથમિક તપાસમાં જાણવા મળ્યું છે.