રસ્તા પર ભીખ માંગતા ભીખારી ને મદદ કરવા પહોંચ્યા Dsp તો ખબર પડી કે પોતાની જ બેચ નો અધીકારી છે અને પછી..

કહાવાય છે ને હુ કે તમે નહી સમય જ બળવાન છે. ક્યારે શુ થશે એ સમય જ નકકી કરે છે. આવુ જ એક અધિકારી સાથે થયુ છે જેની સ્ટોરી કોઈ ફીલ્મ થી કમ નથી.

આ વાત મધ્ય પ્રદેશ ના ગ્વાલીયર ની છે જ્યાં ડીએસપી સાહેબે રસ્તાની બાજુમાં એક ભિખારીને બેઠો જોયો ત્યારે આશ્ચર્ય થયું. જ્યારે તે પેલા ભિખારીને મદદ કરવા આગળ આવ્યા ત્યારે તેમને ખબર પડી કે ભિક્ષુક બીજો કોઈ નહીં પણ તેનો પોતાનો બેચ અધિકારી હતો.

આપ ને જણાવી દઈએ કે ગયા વર્ષે મધ્યપ્રદેશમાં પેટા-ચૂંટણીઓ યોજવામાં આવી હતી. ગ્વાલિયરની પેટા-ચુંટણી માટેના મતની ગણતરી બાદ ડીએસપી રત્નેશસિંહ તોમર અને વિજયસિંહ ભદૌરીયા ઝાંસી રોડ પરથી પસાર થઈ રહ્યા હતા. જ્યારે તે બંને બંધન વાટિકાની ફૂટપાથ પરથી પસાર થયા ત્યારે તેઓએ એક આધેડ ભિખારીને ઠંડીથી થરંરતો જોયા. પેલા ભિખારીને જોયા પછી બંને અધિકારીઓ તેમની કાર રોકી અને તે ભિખારી સાથે વાત કરવા પહોંચી ગયા.

બાદમાં બંને અધિકારીઓએ તેમને મદદ કરી. ડીએસપી રત્નેશસિંહ તોમારે વૃદ્ધા અધિકારીને ચપ્પલ આપ્યાં હતાં અને ડીએસપી વિજયસિંહ ભદૌરીયાએ ઠંડીથી બચાવવા પોતાનું જેકેટ ભિક્ષુકને આપ્યું હતું. આ પછી બંને અધિકારીઓએ પેલા ભિખારી સાથે વાત શરૂ કરી. જ્યારે બંને અધિકારીઓને તે ભિક્ષુકની વાસ્તવિકતા વિશે ખબર પડી, તેઓને આશ્ચર્ય થયું, તે ભિક્ષુક ડીએસપીની બેચનો અધિકારી હતો

અહેવાલો અનુસાર કહેવામાં આવી રહ્યું છે કે જ્યારે બંને અધિકારીઓએ તે ભિખારી સાથે વાત કરી ત્યારે તેમને ખબર પડી કે તે ભીખારીનું નામ મનીષ મિશ્રા છે અને તે મધ્યપ્રદેશનો છે. મનીષ મિશ્રાને પણ આ બંને અધિકારીઓ સાથે વર્ષ 1999 માં મધ્યપ્રદેશ પોલીસમાં સબ ઈન્સ્પેક્ટરની પોસ્ટમાં ભરતી કરવામાં આવી હતી. તેના સાથી રત્નેશસિંહ તોમર અને વિજય સિંહ બઢતી મળ્યા બાદ ડીએસપી બન્યા પણ મનીષ મિશ્રા ભિખારી બની ગયા હતા. મનીષ મિશ્રાએ બંને સાથી અધિકારીઓને ઓળખી લીધા હતા અને તેમણે તેમની દુખ ભરી કહાની કીધી હતી.

મનીષ મિશ્રા તેમના ડિપાર્ટમેન્ટનો સારો અધીકારી હતો. અને સારો પોલીસ અધિકારી હોવા ઉપરાંત મનીષ તેની નિશાનબાજી માટે પણ જાણીતો હતો. આ સ્થિતિમાં તેમની બેચના અધિકારીને જોઈને બંને અધિકારીઓ ખૂબ જ દુખી થયા. જાણવા મળ્યુ હતુ કે મનીષ મિશ્રાએ 2005 સુધી પોલીસ નોકરી કરી હતી અને છેલ્લે દતિયામાં પોસ્ટ કરાઈ હતી. ધીરે ધીરે તેની માનસિક સ્થિતિ કથળી ગઈ અને તેના પરિવારના સભ્યો પણ તેની ચિંતા કરવા લાગ્યા. તે જ્યાંથી તેને સારવાર માટે લઈ જતા ત્યાંથી ભાગી ગયો હતો. થોડા દિવસો બાદ પરિવારને ખબર પણ ન પડી કે મનીષ ક્યાં ગયો હતો.

મનીષની પત્ની પણ તેને છોડીને ગઈ. બાદમાં તેની પત્નીએ તેને છૂટાછેડા આપી દીધા હતા. ધીરે ધીરે મનીષ ભીખ માંગવા લાગ્યો. તે લગભગ 10 વર્ષ ભીખ માંગતો રહ્યો. જ્યારે બંને અધિકારીઓએ તેને સાથે લઇ જવાનો આગ્રહ કર્યો ત્યારે તેણે તેમની સાથે જવાનો ઇનકાર કરી દીધો. બાદમાં બંને અધિકારીઓએ મનિષને એક સામાજિક સેવા સંસ્થામાં મોકલ્યો હતો અને મનીષ ત્યાં તેની સંભાળ લેવાનું શરૂ કર્યું હતું.

આપને જણાવી દઈએ કે મનીષનો ભાઈ પોલીસ કોન્સ્ટેબલ છે અને પિતા અને કાકા એસએસપી પદ પરથી નિવૃત્ત થયા છે. અહેવાલો અનુસાર એવું કહેવામાં આવી રહ્યું છે કે તેની એક બહેન એક દૂતાવાસમાં સારી સ્થિતિમાં છે અને જેની પાસેથી છૂટાછેડા લીધા છે તે પત્ની પણ ન્યાયિક વિભાગમાં નોકરી કરે છે.