સુરતમાં કોન્સ્ટેબલ મહિલા માટે ટ્રક બન્યો યમદૂત! રસ્તા પરથી જતા હતા ત્યાં જ બની આવી ઘટના,બે સંતાનો થયા માતા વિહોણા…

આપણે સૌ કોઈ જાણીએ છે કે, દિવસેને દિવસે અનેક પ્રકારના રોડ અકસ્માત બનતા હોય છે. ત્યારે હાલમાં જ સુરતમાં માતેલા સાંઢની જેમ ફરતા ડમ્પર એક મહિલા કોન્સ્ટેબલને અડફેટે લઈ લેતા મહિલા એ જીવ ગુમાવ્યો છે.આ ઘટના અંગે વધુ વિગતવાર માહિતી જાણીએ કે આખરે આ બનાવ કઈ રીતે બન્યો.

સૂત્ર દવારા જાણવા મળ્યું કે મહિલા કોન્સ્ટેબલ ડીસીપી ટ્રાફિક ઓફિસ ખાતે મિટિંગમાં જઈ રહ્યાં હતા. સર્કલ પર ડમ્પરચાલકે મોપેડ પર જતાં મહિલા કોન્સ્ટેબલને અડફેટમાં લઈ કચડી નાખતાં મોત થયું હતું.

મૃતક વિશે મળેલી માહિતી જાણીએ તો અકસ્માતનો ભોગ બનનાર 31 વર્ષીય પ્રેમીલાબેન કમજીભાઈ નિનામા પરિવાર સાથે રહેતાં હતાં. 6 વર્ષથી પોલીસ વિભાગમાં હેડ કોન્સ્ટેબલ તરીકે કામ કરતાં હતાં. ઇચ્છાપોર બાદ તેમને ટ્રાફિક વિભાગની જવાબદારી સોંપવામાં આવી હતી.

પ્રેમીલાબેનને એક 9 વર્ષનો પુત્ર અને 7 માસની દીકરી છે. અચાનક આવી પડેલ આ કાળને કારણે સંતાનોએ માતાની છત્રછાયા ગુમાવી. હાલમાં તો પોસ્ટમોર્ટમ બાદ અંતિમવિધિ માટે મૃતદેહ વતન મહીસાગર લઈ જવામાં આવશે. આ દુઃખદ ઘડીના કારણે પરિવાર અને પોલીસ બેડામાં શોક છવાઇ ગયો છે.

નોંધ – વેબસાઇટ પર પ્રકાશ થતા તમામ સમાચાર અને કહાનીઓ કોઈક સોર્સ ઉપરથી લેવામાં આવેલા છે. અમારો ફક્ત એજ ઉદેશ્ય છે કે સારી માહિતી તમારા સુધી પહોંચાડવી. પ્રકાશ થતા દરેક ન્યૂઝ તથા કહાનીઓની તમામ જવાબદારી જે તે લેખક તથા સોર્સ ની રહેશે. ગુજરાતી અખબાર વેબસાઇટ કે પેજ ની કોઈ પણ પ્રકારની જવાબદારી રહેશે નહિ. અમારી વેબસાઈટ અને પેજ પર સારા સારા સમાચાર વાંચતા રહો અને આગળ શેર કરતા રહો.